கால்சட்டைக்கால குறிப்புகள்

கால்சட்டைக்கால குறிப்புகள்
இசாக்

1
அடைமழை வெள்ளத்தில்
அடித்துக்கொண்டுவந்த
கப்பல்
கவிழ்ந்துக் கிடந்தது
எங்கள் வீட்டுவாசலில்
யார் விட்டதாக இருக்கும்?

2
அய்யனார்கோயில்
இளுப்பைத் தோப்பில்
மரம் ஏறி
பழம்பறிக்க உதவிய கல்குதிரை
பறித்துப்போட்ட கிளி
அஃரிணைகளாகவா இருக்கும்?

3
புதிதாக வாங்கிவந்த
சிப்பாய் பொம்மையின் முன்னிலையில்
காணாமல் போனது
என் பென்சிலும் அழிப்பானும்
சிப்பாய் என்றாலும்
பொம்மை பொம்மைதானே

4
இந்திரா காந்தி
சுடப்பட்டு இறந்த அன்று
குடும்பமே தெருவில் நின்று
கதறி அழுத்து
எங்கள்
வீடு
தீப்பற்றி எரிந்ததால்.

5
சண்டைக்காரன் வீட்டு கொள்ளையில்
கரும்பு உடைத்துத் தின்றதை
எப்படி மறுத்தாலும்
நம்ப மறுப்பார்
கிழிபட்ட உதடுகளைப் பார்த்த அப்பா

நன்றி: கல்கி, அக் 16