எனக்கு
நண்பர்களென்றால் உயிர்
எல்லாமும்
அவர்கள் தான்
அவர்களால் தான் எதுவும் சாத்தியம்
நம்புகிறேன்: நம்பிக்கொண்டிருக்கிறேன்.
ஆனால்
எவரெவர் நண்பர்களென்பதில்
கூடுதலாக குழம்பிப்போகிறேன்
இப்போதெல்லாம்.
காண்கையில்
கை குலுக்கி
மகிழ்ந்து சிரித்து செல்பவர்கள்
பின்னால்
என்ன பேசியிருப்பார்கள்
மனசுக்குள் கவலை சுமையாகிறது.
சிலர் பற்றி
சிலர் சொல்லக்கேட்ட பின்பு.
வேறு வழியில்லை
சந்திப்பில்
சிரித்து கை குலுக்குபவர்கள் எல்லோரையும்
நண்பர்கள்
என்றே சொல்லிக் கொள்கிறேன்.
