விலகல்
சவூதியோ துபாய்யோ
தூரதேசத்தில் இருப்பது
கூடுதல் தகுதியாகிப் போனது
மாப்பிள்ளையாகிறவனுக்கு.
துபாய்காரனென்பதற்காக
முகம் பார்க்காமலே
கை பிடிக்க துணிந்தவள்
கனவிலும் நினைத்திருக்கமாட்டாள்
தூரதேசத்திலிருந்துக் கொண்டே
துரத்தியடிப்பான்
தாய்வீட்டிற்கு என்றும்,
இரவில் அறிமுகமானவன்
இரவையே அறிமுகப்படுத்துவான் என்றும்.
தொலைபேசியிலேயே
வாழ கற்றுக்கொண்டவர்கள்
பேசி தீர்க்க வேண்டிய பிரச்சினைக்கும்
தொலைபேசியில்
வாழ்க்கையை
முடித்துக்கொள்ளவும்
பழக்கிக்கொண்டார்கள்.
‘தலாக்’
தீர்வா.. தண்டனையா..?
விடுதலையா.. வேதனையா?
