தாருமாறாய் திட்டித் தீர்த்தாய்
நடுசாலையில் வைத்து
என்னை,
சொன்ன வேலையை செய்யவில்லையென.
இரவு நெடுநேரமாகியும் காத்திருந்தாய்
வாசலிலேயே
நான் வரும்வரை எனக்காக.
'புள்ளய திட்டிவிட்டேன்..
யார் மேலயோ உள்ள கோவத்தில்,
ராத்திரி
புள்ள வூட்டுக்கு வந்தபிறகுதான்
உசுரே வந்துச்சி எனக்கு'
சொல்லிக்கொண்டிருந்தாய்
பக்கத்து வீட்டு ஆயாவிடம்.
அம்மா
நீ கோபப்படும் போதெல்லாம்
மீண்டும்.. மீண்டும்
பிறக்கிறேன்
உனக்கு மகனாக நான்.
