இரவு
கடைசியாக வரும் பேருந்தில் வருவார்
வேலை முடிந்து தினமும்
அந்நேரம்
தூங்கிப்போயிருப்போம் நாங்கள்.
விடியுமுன்
வெளியேறியிருப்பார் வேலைக்கென
முதல் பேருந்தில்
போகும் போதும் பார்க்கமுடிவதில்லை
எங்களால்.
ஒழுகி
ஒழுகி
ஒழுகி கறைப்பட்டிருக்கும்
எச்சிலோடு இனிப்பும்
தலையணை முழுக்க.!
எங்களோடு பேசினாராம் சாப்பிட்டாராம்
காலை
எரும்புகள் சொல்லி தெரியும்.
எங்களுக்கேத் தெரியாமல்
எங்களோடு
வாழ்ந்துவிட்டுப் போயிருக்கிறார்
அப்பா.!
