மனசாட்சிக்கு
மண்டியிடுகிற நேரம்
'விலங்கினின்று வித்தியாசப்படுத்தும்'
அந்த அறிமுகம் நிகழ்கிறது.
அவனுக்கு
'மொட்டு வெடித்து மலராகும் ஓசை'
இடையூரென்பதால்- உணரமுடிகிறது.
பாம்பு வாயில் மாட்டிய
தவளையின் ஓலம் மட்டுமல்ல:
தவளை நாவில் சிக்கிய
பூச்சிகளின் ஒப்பாரியையும்.
ஆதிக்க வெறியில் எரிந்து சாம்பலான
தாழ்த்தப்பட்டவனின் உணர்வாகி,
கரசேவைக் கடப்பாறையால்
கொலையுண்ட
சிறுபாண்மைகளின் உரிமைகளாகி
பழிவாங்கலுக்குப் பலியாகி
வெடித்துச்சிதறிய
பாமரனின் உயிராகி
அறிமுகமானேன்.
